UDO

I.
UDO
Herulorum Rex, fil. Mistaevonis, summus Christianorum osor, Herulos rexit, tandem ab aliquo Saxone transfuga caesus. Pater Godescalci, qui ante regnum conversus, paternam necem in Saxonibus ultus est: ceterum cum apud suos fidem propagare vellet, ipse eius praeco a subditis A. C. 1066. caesus, duos reliquit filios, Buthuen, a quo Principes Megapolitani et Wandalici orti sunt: et Henricum, cuius posteritas brevi defecit. Fratres vero Udonis Ratiborus et Bogissaus Pomeranos Duces seuêre. Vide Phil. Iac. Spenerum, Syll. Geneal. Hist.
II.
UDO
calceamenti genus, apud Antiquos: quod alii ex lana, Senatores vero, et eorum imitatione Clerici Romani, portabant ex lino. Namque et linum suam calceis olim praeb visse materiam, ostendunt Udones inter alia illi, quibus Antoninum Imperatorem cognomine Philosophum permultosque alios, eius exemplô, usos fuisse, refert Herodian. ubi, cum religiosum illius erga Solem studium, eiusdem sacra et ceremonias, Sacerdotumque et Ministrorum, qui sacris illis operabantur, cultum et ornatum accurratius descripsit, Οὐδόνες, inquit τοῦτ᾿ ἔςτι λευκοτάτῃ ὀθόνῃ περὶ τὰ ὑποδήματα χρῆςθαι, Undonibus nempe ex candidissimo linteo ad pedes; h. e. linteis calceamentis, utebantur. Unde discimus, Udones illos sic e lino constitisse, ut etiam a voce ὀθόνη, quae linteum et subtile quodcumque velamen significat, appellationem suam desumpserint: ad quam vocem proxime Udones accedunt, quô pactô hoc calceorum genus Ulpianus vocat, l. 25. §. 4. D. de aur. et arg. leg. Quamquam alii, quasi Haedones, dictos malint, nonnumquam enim et ex hircorum haedorumque pilis confiebant, qui cilicini proin dicebantur, et de quibus haud dubie loquitur Martialis, l. 14. Epigr. 140.
Non hos lana dedit, sed olentis harba mariti:
Cinyphio poterit planta latere sinu.
Ad quae verba Ben. Balduinus, Hîc, inquit, cilicinos Udones describit, qui calceoli erant ex pilis hircinis caprinisque confecti: Cum alias e lana, alias e lino, ad pedum vel calorem vel munditiem confici solerent; Soccis nostris (Chaussons) similes, qui non calceorum ad instar, mediô crure tenus extendebantur: sed tantum eousque ubi tibiae pes coniungitur. Linteis vero istiusmodi Udonibus Romani etiam Pontifices, referente Iosephô Stevanô, lib. de osc. pedum Summi Pontif. per longa tempora usi sunt; postquam nimirum iis primum S. Silvester, a Constantino M. inter alia ornamenta donatus est (ut in Ecclesia Latina creditur) donec tandem linum illud candidum in sericum purpureum migravit. Vide praefatum Balduinum, de Calceo Antiquo, c. 4. 16. et 27. Albertus Rubenius, de Re Vestiar. l. 2. c. 5. ubi de Calceo Senatorio, ad verba donationis Constantinianae, ὑποδήματα ἤ τοι σανδάλια λευκὰ δἰ ὀθονίων, non alba haec calceamenta, sed candidô linteamine illustrata fuisse, ostendit, additque campagos hos incisos fuisse et πολυχιδεῖς (ut olim Sandalia quaedam apud Graecos) atque praeter hos campagos ita intercisos, habuisse etiam Senatores et Clericos pedules sive Udones e lino, qui, transparente per incisuras calceamentorum candidô linteamine, campagos illustraverint. Quod probat ex verbis donationis: Et sieut noster Senatus calceamentis utitur, cum Udonibus, id est, candidô linteamine illustratis. Facitque huc, quod Udones sive Ο᾿δώνια, ut viri docti observant, nihil aliud sunt, quam τὰ περιαπτὸμενα τοὶς ποσὶν ὑφάσματα, vide quoque Casaubon. Notis ad Trebellium. Salmasius, Not. ad Ael. Lamprid. in Alexandro Seu. c. 40. sic de hoc calceamenti genere: Quos Graeci πίλους, Latini udones vocârunt, quasi cudones, quod ex lana coactili vel ex pilis in modum lanae pressis et coactis quas subcusi essent --- empilia voce Graecâ dixit Plinius --- erantque proprie lanei calcei --- qui intra calceum quidem habebantur, verum plerumque et ipsi vicem calceamenti praestabant, praecipue domi et tntra cubiculum, calceones eos hodie vocamus --- pedum cucullos et cucullopedones etiam vocatos esse, notabamus supra. non multum dissimiles erant soleae lanatae, quarum mentio apud Martialem --- At fasciae pedules --- quibus involvebantur pedes atque integebantur, ad eundem plane modum, quô erura fasciis cruralibus --- Polluci πιριειλήματα ποδῶν dicuntur --- Quas autem soleas lanatas Martialis vocat,
σανδάλια λευκὰ διὰ ὀδωνίων appellat vulgaris donatio Constantini — Coeterum Auctores passim duones et fascias pedules et empilia confundunt, etiam ὀδώνια Graeci recentiores --- oraria et mucima appellaverunt etc. Adde et quae retro dicta de Impiliis, item voce Odo, et Soccus, nec non ubi de Soleis lanatis.

Hofmann J. Lexicon universale. 1698.

Look at other dictionaries:

  • Udo — can mean the following:*A flowering plant Aralia cordata (独活 in Japanese) found in Japan.*A common male first name in German speaking countries. People named Udo include:**Udo (Obotrite prince) **Udo Beyer, German shot put champion **Udo Bullmann …   Wikipedia

  • Udo — puede significar lo siguiente: Una planta angiosperma, Aralia cordata (独活 en japonés) que se encuentra en Japón. Universidad de Oriente, dicha ubicada en la parte Oriental de Venezuela Un nombre común masculino en países de habla alemana.… …   Wikipedia Español

  • UDO — Saltar a navegación, búsqueda Para otros usos de este término, véase UDO (desambiguación). El Ultra Density Optical (UDO), se ha lanzado como sustituto de los discos magnético ópticos (MO) de la primera generación y como soporte para el video de… …   Wikipedia Español

  • UDO — steht für: Udo (Vorname), Namensträger siehe dort UDO steht für: Ultra Density Optical, ein Speichermedium U.D.O., eine Band Universal Document, ein Dateiformat für Text Technische Universität Dortmund, früher Universität Dortmund …   Deutsch Wikipedia

  • Udo — steht für: Udo (Vorname), Namensträger siehe dort UDO steht für: Ultra Density Optical, ein Speichermedium U.D.O., eine Band Universal Document, ein Dateiformat für Text Technische Universität Dortmund, früher Universität Dortmund …   Deutsch Wikipedia

  • Udo — lass ab von dem Spiel, du hast s getrieben allzu viel. Bischof Udo XXXV. von Magdeburg stellte 1382 zu Kalbe einen sogenannten Kälber und Fastnachtstanz an. Als man nun auf dem Rathhause am lustigsten war, erscholl plötzlich Feuerruf. Der Bischof …   Deutsches Sprichwörter-Lexikon

  • Udo — Udo,   Ort in Nigeria, etwa 45 km südwestlich von Benin City. Das Gebiet von Udo rivalisierte früher mit Benin und stellte ebenfalls Gedenkköpfe aus Messing her, wie sie am dortigen Königshof verwendet wurden. Insgesamt 13 dieser Köpfe sind heute …   Universal-Lexikon

  • Udo — Udo, Ude Variante von → Odo (Bedeutung: Besitz); Kurzform von → Ulrich (Bedeutungszusammensetzung aus: »Heimat« und »Herrscher«); afrikanischer Name, Bedeutung: Frieden. In Deutschland Mitte des 20. Jahrhunderts beliebt. Namensträger: Udo… …   Deutsch namen

  • udo — udo; udo·me·tric; …   English syllables

  • Udo — (мужское имя) Женьшень. Японские имена. Словарь значений …   Словарь личных имен

  • Udo [1] — Udo, 1) die mittelniederdeutsche Form für Otto (s.d.) u. Eudes; 2) so v.w. Audäus …   Pierer's Universal-Lexikon

Share the article and excerpts

Direct link
Do a right-click on the link above
and select “Copy Link”

We are using cookies for the best presentation of our site. Continuing to use this site, you agree with this.